Ерусалим, 11 јули 2024 (МИА) - По истекот на законот за ослободување на ултраортодоксните Евреи од воена служба, израелската армија подготвува серија повици за воен рок, а овој чин предизвика голем револт кај верските водачи на заедницата Хареди, односно ултраортодоксна Евреите.

Меѓу првите што се огласи беше рабинот Дов Ландо, висок лидер на Ашкенази ултраортодоксните Евреи во Израел, кој изјави дека студентите Јешива, т.е. оние кои посетуваат талмудско училиште за млади Евреи воопшто не треба да се појавуваат во канцелариите на израелската армија.

-Ситуацијата во овој момент е дека судовите му објавија војна на светот на Тора и тие се оние кои го отворија фронтот и дојдоа да го сменат аранжманот што беше во сила со години и и наредија на армијата да започне процес на регрутирање членови на Јешива, рече Ландо.

Тој додаде дека со загриженост и трема ја потпишува наредбата да не доаѓа во регрутните центри.

-Рацете на армијата се врзани во железни синџири и секое почитување на судските наредби претставува предавање во нивната војна против Бог и неговата Тора. Затоа на членовите на Јешива им е наложено да не се појавуваат во канцелариите за регрутирање, рече рабинот.

Сефардските рабини во Израел испратија слично писмо до членовите на заедницата, во кое се наведува дека овој тип на регрутирање ќе доведе до уништување на Тора и душата на светата нација. мс/

фото: ЕПА