НСДП: Целта на ВМРО-ДПМНЕ е референдумот да го искористи во политички цели за проверка на нивната поддршка
- НСДП е изрично против спроведување на референдум со референдумското прашање кое го најавија Мицковски и ВМРО-ДПМНЕ, заклучок донесен на третата седница на Извршниот одбор на НСДП кој се одржа
![НСДП: Целта на ВМРО-ДПМНЕ е референдумот да го искористи во политички цели за проверка на нивната поддршка](https://mia.mk/index.php/images/20221113214146_big_730x400_35.webp )
Скопје, 7 септември 2022
НСДП е изрично против спроведување на референдум со референдумското прашање кое го најавија Мицковски и ВМРО-ДПМНЕ, заклучок донесен на третата седница на Извршниот одбор на НСДП кој се одржа вчера во Кавадарци.
Сметаме дека доколку референдумот се спроведе ќе биде неуспешен и нема ништо значајно да промени, освен што ќе се потрошат милиони евра за организирање на истиот во време на енергетска криза.
Референдумот и референдумското прашање може да ги охрабри радикалните сили во државата и дополнително да ги засили поделбите во општеството кои не се потребни во момент кога ги отворивме преговорите со Европската Унија и следи скринингот.
НСДП е против идејата за спроведување на референдум за прашања за кои државата усвоила стратешки документи во 90-тите години и целокупната државна политика и реформи во изминатите 31 година од независноста на државата се во насока на исполнување на критериумите за зачленување во
ЕУ и НАТО.
НСДП смета дека вистинската намера на опозицијата е референдумот да го искористи во политички цели за проверка на нивната поддршка, а не во насока на зајакнување на државната политика на прогрес и чекорење напред кон Европската Унија.
Мицковски и ВМРО-ДПМНЕ сакаат референдумот да го искористат како алатка, поточно анкета на државен трошок за да го проверат мислењето на народот за нивните, според НСДП, ретроградни политики и тоа не треба да го поддржат граѓаните и јавноста претставена преку медиумите и невладиниот
сектор, но и партиите од владеачката коалиција.
НОВА СОЦИЈАЛДЕМОКРАТСКА ПАРТИЈА
__________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
![нсдп извршен одбор 2](/articles/images/%d0%bd%d1%81%d0%b4%d0%bf-%d1%86%d0%b5%d0%bb%d1%82%d0%b0-%d0%bd%d0%b0-%/paUpuY3My/placeholder.webp?use_watermark=0)