Нормализиран сообраќајот на патот Куманово-Крива Паланка
- Од АМСМ известуваат дека сообраќајот на патниот правец Куманово–Крива Паланка од 18:15 часот е нормализиран и се одвива непречено, без застои и ограничувања.
![Нормализиран сообраќајот на патот Куманово-Крива Паланка](https://mia.mk/index.php/images/20231104190847_big_730x400_1.webp )
Скопје, 4 ноември 2023 (МИА) - Од АМСМ известуваат дека сообраќајот на патниот правец Куманово–Крива Паланка од 18:15 часот е нормализиран и се одвива непречено, без застои и ограничувања.
Сообраќајот на овој патен правец пред Страцин беше во прекин поради поголем одрон, а екипи на ЈП Македонија пат работеа на расчистување и нормализација.
Оттаму информираат дека сообраќајот на другите државните патишта се одвива непречено, по претежно влажни коловози. Додека интензитетот на сообраќај на патните правци надвор од градските средини е умерен, а на граничните премини од македонска страна, нема подолги задржувања за влез и излез од државата.
Од АМСМ се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. сх/ев/
Фото: МИА Архива