Норвешката министерка за здравство поднесе оставка поради плагијат
- Министерката за здравство на Норвешка, Ингвилд Кјеркол (48) денеска поднесе оставка по обвинувањата дека нејзината магистерска е плагијат. Универзитетот Норд во Бодо, каде што ја поднела магистерската во 2021 година, по извршената истрага вчера потврди дека нејзината магистерска е плагијат
![Норвешката министерка за здравство поднесе оставка поради плагијат](https://mia.mk/index.php/images/20240412154711_big_730x400_33.webp )
Осло, 12 април 2024 (МИА) – Министерката за здравство на Норвешка, Ингвилд Кјеркол (48) денеска поднесе оставка по обвинувањата дека нејзината магистерска е плагијат. Универзитетот Норд во Бодо, каде што ја поднела магистерската во 2021 година, по извршената истрага вчера потврди дека нејзината магистерска е плагијат.
Дојдовме до заклучок дека Ингвилд треба да поднесе оставка од функцијата министер, изјави премиерот Јонас Гар Стур, додавајќи оти истрагата утврдила дека плагијатот бил „намерен“.
Кјеркол истакна дека таа и коавторот „немале намера да копираат туѓи достигнувања“.
- Иако боли затоа што не ви веруваат, мора да го прифатиме фактот дека Универзитетот има поинакво мислење, истакна Кјеркол на заедничката прес-конференција со Гар Стур.
Таа ја презеде функцијата во октомври 2021 година, кога Гар Стур ја претстави коалициската влада, составена од неговата Лабуристичка партија и Партијата на центарот. ми/
фото: Икс