Тетово, 21 ноември 2024 (МИА) - Општинската организација на Црвен крст Тетово од неделава почна да функционира во нови простории. Станува збор за објект во близина на тетовската касарна што досега се користеше од Црвен крст Тетово како магацин. Дел од објектот е реновиран за работно простории, сали и канцеларии, а поголемиот дел и понатаму ќе се користи како магацин.

-Причина што се преселивме тука е потребата од повеќе простории, стариот објект е веќе над сто години зградата и дотраена, немаше основни услови за работа. Немавме и други услови за работа како паркинг, мали сали и канцеларии. Сега тука има две повеќенаменски сали за состаноци, за обука по прва помош, канцеларии и слично, информираше Шкљќим Мурати, секретар на Црвен крст Тетово.

Новите простории се наоѓаат на улицата „Фуштанска“ број 2, односно улицата кај која завршува булеварот „Видео Смилевски-Бато“ кај касарната. Досегашниот објект на улицата „Борче Кочовски“ нема да се употребува поради дотраеност. ас/дма/

фото: МИА