Новинар загина во бомбашки напад во Авганистан
- Новинарот на авганистанското радио Елиас Даџи загина денеска кога експлодирала бомба прикачена на неговиот автомобил.
![Новинар загина во бомбашки напад во Авганистан](https://mia.mk/index.php/images/20221105013134_big_730x400_62.webp )
Кабул, 12 ноември 2020 (МИА) - Новинарот на авганистанското радио Елиас Даџи загина денеска кога експлодирала бомба прикачена на неговиот автомобил.
- Во нападот се повредени уште три лица, меѓу кои и едно дете, изјави портпаролот на гувернерот на покраината, Хелманд Омер Звак.
Директорот на радиото, Азади Сами Махди, на Твитер потврди дека неговиот колега и пријател Елиас Даџи е убиен во терористички напад утрово.
Никој сè уште не ја презеде одговорноста за нападот, што следеше неколку дена по убиството на поранешниот водител на ТОЛО ТВ во Кабул. паг/