Скопје, 14 јули 2025 (МИА) - Заедно со седуммина свои колеги од други медиуми, новинарот на МИА, Слободан Иванов е добитник на награда „Гласник на невидливите“ за 2025 година. Македонската платформа против сиромаштијата (МППС) годинава по осми пат ќе ги истакне новинарите кои пишуваат за „невидливите“, маргинализирани групи и заедници во македонското општество.

Листата наградени ја сочинуваат:

1. Ана Арсеновска Зафирова, за објавата „Каков 8 март одбележуваат жените, мајки на деца со аутизам“;

2. Гоше Николов - „Револуција во пристапноста: Трансформативната моќ на вештачката интелигенција за лицата со попреченост“;

3. Емилија Бунтеска Нацоска - „Расте бројот на гладни, редиците пред народните кујни сѐ подолги“;

4. Кристијан Ландов - „Претрес: Од раскош до бездомништво, од семејство до улица - сурови животни приказни“;

5. Љубица Иванова - „На улица наместо во училишните клупи - Македонија без решение за децата од улица“;

6. Наташа Доковска - „Менструацијата не е луксуз – зошто боли двојно во сиромаштија?“;

7. Слободан Иванов - „Пристап до објекти, образование и вработување - најчести предизвици за лицата со попреченост“. 

Доделувањето на наградите „Гласник на невидливите“ ќе се одржи в четврток, на 17 јули 2025 година, со почеток од 19.30 часот, во Собрание бистро, ул. Даме Груев бр. 3, зад зградата на македонското Собрание. си/са/

Фото: МИА