Нова улица ќе се гради во валандовското село Балинци
- Во валандовското село Балинци ќе почне изградба на новата улица со што ќе се овозможи инфраструктурно поврзување на централниот дел од селото со Горна маала, потврдија денеска од локалната са
![Нова улица ќе се гради во валандовското село Балинци](https://mia.mk/index.php/images/20221113175450_big_730x400_43.webp )
Валандово,11 јули 2022 (МИА) - Во валандовското село Балинци ќе почне изградба на новата улица со што ќе се овозможи инфраструктурно поврзување на централниот дел од селото со Горна маала, потврдија денеска од локалната самоуправа во Валандово.
Улицата, со чија изградба е предвидено решение за канализирање и на атмосферската вода, ќе биде долга 700 метри и ќе има широчина од четири метри.
- Со изградбата на оваа улица всушност го решаваме најголемиот преостанат инфраструктурен проблем на повеќе од 40 домаќинства на кои значително ќе им се подобрат условите за живот, велат од надлежната општинска служба.
Општинарите најавија дека преку системот за праведен пристап во распределбата на јавните средства, ќе продолжат со рамномерно инвестирање при решавањето на инфраструктурните проблеми во сите населени места на територијата на општина Валандово. им/цр