Нова премиера на „Илуминати“ во Театар Комедија
- На главната сцена во Театарот Комедија утре ќе се прикажува нова премиера на претставата „Илуминати“, работена според култниот филм на Хичкок - „39 скали“.
![Нова премиера на „Илуминати“ во Театар Комедија](https://mia.mk/index.php/images/20221128062419_big_730x400_28.webp )
Скопје, 16 ноември 2022 (МИА) - На главната сцена во Театарот Комедија утре ќе се прикажува нова премиера на претставата „Илуминати“, работена според култниот филм на Хичкок - „39 скали“.
Жанровски оваа претстава претставува уникатен спој на трилер, акција и комедија, со елементи на ноар и со филмски јазик.
„Илуминати” е во режија на Синиша Евтимов, а играат Валентин Костадиновски - Тино, Наталија Теодосиева, Сергеј Димовски и Атанас Атанасовски.
Приказната се одвива околу главниот херој Кирил Балкан - Тино Костадиновски, кој заедно со плејадата споредни ликови, интерпретирани од тројца актери - Наталија Теодосиева, Сергеј Димовски и Атанас Атанасовски, нè води низ својата животна приказна со несекојдневни патешествија.
Сценографијата е на Мартин Манев, а костимографија на Ивана Каранфиловска Угуровска. Дизајн на звук е на Георгиј Полизов, а тон-мајсторите се Георгиј Полизов и Томи Анчов. Дизајн на светло на Мартин Манев, а светло-мајстор на Слободан Илиоски.
Претставата освен утре, ќе се прикажува и во сабота и недела, 19 и 22 ноември. бт/дма/
![](/articles/images/d0bdd0bed0b2d0b0-d0bfd180d0b5d0bcd0b8d0b5d180d0b0-d0bdd0b0-d0b8d0bbd18/VMUfhK4oB/placeholder.webp?use_watermark=0)