Тел Авив, 2 април 2025 (МИА) - Откако го повлече својот избор за поранешен началник на морнарицата Ели Шарвит за следен шеф на Шин Бет, премиерот Бенјамин Нетанјаху продолжува да интервјуира кандидати, соопшти неговиот кабинет.

Кабинетот на премиерот Бенјамин Нетанјаху инсистира дека се држи до планот за завршување на мандатот на актуелниот шеф на Шин Бет, Ронен Бара до 10 април, иако Високиот суд на правдата ја замрзна одлуката додека не ги разгледа жалбите против неа, и вели дека нема да биде можно навреме да се достави името до Советодавниот комитет за високи назначувања.

Вршителот на должноста заменик-шеф на Шин Бет, „Шин“, идентификуван само со неговиот прв иницијал, ќе биде вршител на должноста шеф на агенцијата додека не биде назначен постојан шеф, соопшти кабинетот на Нетанјаху. мс/

фото: МИА архива