Недеви учествуваа на онлајн карате семинарот со Шихан Хироши Шираи 10 дан
- Преку зоом платформата викендов се одржа онлајн семинар со Шихан Хироши Шираи 10 дан, жива светска карате легенда кој долги години беше технички претседател на Светската федерација за традици
![Недеви учествуваа на онлајн карате семинарот со Шихан Хироши Шираи 10 дан](https://mia.mk/index.php/images/20221106141556_big_730x400_7.webp )
Скопје, 21 март 2021 (МИА) - Преку зоом платформата викендов се одржа онлајн семинар со Шихан Хироши Шираи 10 дан, жива светска карате легенда кој долги години беше технички претседател на Светската федерација за традиционално карате-ИТКФ.
- На семинарот учествуваа преку 500 врвни каратисти-инструктори и тренери, а од Македонија учествуваа Венцислав и Дејан Недеви на покана од Шихан Шираи. Недеви во минатото редовно учествуваа на сите карате семинари водени од Шихан Шираи низ цела Европа но за жал заради светската пандемија сите семинари беа откажани, соопштија од Македонската традиционална карате федерација.
Шихан Шираи важи за неприкосновен светски карате мајстор кој претставува непресушен извор на знаење со огромна креативност и знаење на карате вештината. Тој е ученик на творецот на традиционалното карате во светот Хидетака Нишијама. Асистенти на семинарот беа врвните каратисти од Италија, Карло Фугаца и Силвио Кампари, повеќекратни европски и светски шампиони. зс/