Невреме во Неготино, нема поголеми штети
- Се следи состојбата и ќе се интервенира соодветно, секаде каде што евентуално би имало потреба од општинска поддршка и помош, нагласи градоначалникот.
![Невреме во Неготино, нема поголеми штети](https://mia.mk/index.php/images/20240610202121_big_730x400_66.webp )
Неготино, 10 јуни 2024 (МИА) - Невреме ја зафати попладнево општина Неготино, со дожд и силен ветер. Неготинскиот градоначалник Горан Стојанов за МИА изјави дека според првичните информации, нема поголеми штети.
- Едно дрво е уништено од невремето во центарот на градот и веднаш беше пристапено кон расчистување на теренот. Се следи состојбата и ќе се интервенира соодветно, секаде каде што евентуално би имало потреба од општинска поддршка и помош, нагласи тој. свд/бд/
Фото: Горан Стојанов