На Шри Ланка прогласена вонредна состојба поради големите протести
- Претседателот на Шри Ланка Готабаја Раџапакса прогласи вонредна состојба, давајќи и пошироки овластувања на војската поради зголемените демонстрации против Владата, изјави во петокот портпаро
![На Шри Ланка прогласена вонредна состојба поради големите протести](https://mia.mk/index.php/images/20221113124650_big_730x400_83.webp )
Коломбо, 6 мај 2022 (МИА) – Претседателот на Шри Ланка Готабаја Раџапакса прогласи вонредна состојба, давајќи и пошироки овластувања на војската поради зголемените демонстрации против Владата, изјави во петокот портпаролот на кабинетот на претседателот.
Со тоа и се даваат овластувања на војската да апси и да приведува луѓе и да ги контролира јавните протести, наместо само полицијата да има такво овластување.
Овој потег уследи откако десетици илјади луѓе учествуваа на улични протести барајќи од претседателот Раџапакса и неговата влада да се повлечат, поради што не работеа училиштата, владините служби и трговијата.
Во градовите за време на демонстрациите низ целата земја беа поставени црни знамиња. јт/