Најмалку 258 израелски војници убиени од нападот на Хамас
- Најмалку 258 израелски војници се убиени во борбите против палестинските милитанти откако милитантите на Хамас го нападнаа Израел во саботата, соопшти ИДФ денеска.
![Најмалку 258 израелски војници убиени од нападот на Хамас](https://mia.mk/index.php/images/20231013115414_big_730x400_35.webp )
Ерусалим, 13 октомври 2023 (МИА) - Најмалку 258 израелски војници се убиени во борбите против палестинските милитанти откако милитантите на Хамас го нападнаа Израел во саботата, соопшти ИДФ денеска.
„Ужалените семејства на 258 загинати војници се официјално известени“, рече портпаролот на израелската армија Даниел Хагари на брифингот со новинарите, ревидирајќи го претходниот биланс од 169 убиени војници. паг/
Фото: ЕПА