Газа, 7 декември 2024 (МИА) - Најмалку 21 лице загина, а 30 се повредени во израелски воздушен напад во Газа, според денешните палестински извештаи.

Персоналот на болницата „Ал-Авда“ за ДПА изјави дека нападот погодил станбена зграда во бегалскиот камп Нусејрат, во централниот дел на Газа.

Според палестинските податоци, повеќе од 44.000 луѓе загинаа во Газа откако Израел започна офанзива како одговор на нападите на палестинската милитантна група Хамас од 7 октомври 2023 година.

Преговорите за прекин на огнот и ослободување на заложниците се во застој веќе неколку месеци. ссм/

фото: архива