Највисокото живо куче во светот има 104,6 сантиметри
- Станува збор за двегодишно куче кое се чува во Бедфорд, Тексас, САД, високо метар и 46 милиметри. Неговата висина е веќе Гинисов рекорд, што е официјален од 22 март.
![Највисокото живо куче во светот има 104,6 сантиметри](https://mia.mk/index.php/images/20221113130010_big_730x400_57.webp )
Далас, 10 мај 2022 (МИА) - Германската дога (Great Dane) Зевс е највисокото живо куче во светот. Станува збор за двегодишен пес кој се чува во Бедфорд, Тексас, САД, а е висок метар и 46 милиметри. Неговата висина е веќе Гинисов рекорд, официјално од 22 март.
Зевс јаде 12 чинии храна за кучиња дневно, а неговата сопственичка Британи Дејвис изјави дека отсекогаш сонувала да има вакво куче. Нејзиниот сон го исполнил нејзиниот брат кој ѝ го подарил Зевс кога кучето имало само осум недели.
- Тој беше големо куче и кога го добив. Дури и за едно „мало кученце“ имаше големи шепи, рече Британи.
Покрај стандардната храна за кучиња, Зевс понекогаш јаде и пржени јајца, а омилени му се коцките мраз. Тој веќе се прослави во својот град...
Претходниот рекорд за највисоко куче, исто така беше германска дога - Фреди, кој почина минатата година. Имаше осум години и беше висок 103,4 см.
Највисокото куче на сите времиња беше исто така наречено Зевс - германска дога висока 111,8 см. си/сд/
![дога-гинис](/articles/images/%d0%bd%d0%b0%d1%98%d0%b2%d0%b8%d1%81%d0%be%d0%ba%d0%be%d1%82%d0%be-%d0/fyvj7rCkN/placeholder.webp?use_watermark=0)