Највисокиот маж на светот повторно на дружба со најниската жена на светот
- Турчинот, инаку, има 251 сантиметар, а Амге е висока 62,8 цм. По шест години двајцата повторно се сретнаа во САД каде што заедно појадувале, а на крајот и се фотографирале за спомен.
![Највисокиот маж на светот повторно на дружба со најниската жена на светот](https://mia.mk/index.php/images/20240220112506_big_730x400_39.webp )
Лос Анџелес, 20 февруари 2024 (МИА) - Највисокиот маж на светот, Султан Косен од Турција, повторно се сретна со својата „спротивност“ - најниската жена на светот, Индијката Џиоти Амге. Средбата се случи во американската сојузна држава Калифорнија.
Турчинот, инаку, има 251 сантиметар, а Амге е висока 62,8 цм. Тие претходно се сретнаа и во Каиро, Египет, во 2018 година, на покана на тамошното Министерство за култура и туризам, при што ги посетија и пирамидите во Гиза. По шест години двајцата повторно се сретнаа во САД каде што заедно појадувале, а на крајот и се фотографирале за спомен.
Косен во 2014 година, во Лондон, Велика Британија, се сретна и со најниската личност во светот - Чандра Бахадур Данги од Непал (висок 54,6 цм), кој почина следната 2015 година.
Косен и Амге се дел од Гинисовата книга на рекорди од 2011 година. Во вторник патуваат за Лос Анџелес на покана на американски продуцент кој ќе ја овековечи средбата на највисокиот маж и најниската жена на светот. си/ссм/
Фото: ЕПА