Почнува 14. „Анимакс Скопје фест’
- Во Кинотека на Северна Македонија денеска и утре ќе се одржува 14. „Анимакс Скопје фест’ на кој во официјалната селекција ќе бидат прикажани 30-ина анимирани филмови избрани од над 1800 пријавени остварувања од светот.
![Почнува 14. „Анимакс Скопје фест’](https://mia.mk/index.php/images/20231220162813_big_730x400_12.webp )
Скопје, 21 декември 2023 (МИА) - Во Кинотека на Северна Македонија денеска и утре ќе се одржува 14. „Анимакс Скопје фест’ на кој во официјалната селекција ќе бидат прикажани 30-ина анимирани филмови избрани од над 1800 пријавени остварувања од светот.
Селектор на годинашното фестивалско издание е Диме Ратајковски, а членови на жирито кои ќе одлучуваат за добитниците на наградите Златна, Сребрена и Бронзена тула се Илиана Петрушевска, Ева Камчевска и Саша Станишиќ. Мото на 14-тото издание на „Анимакс Скопје фест’ е „Траење...“
Директорот на фестивалот Кузман Кузмановски вели дека во речиси една и пол деценија постоење на „Анимакс“ се пријавувале илјадници анимирани филмови од цел свет и најчесто биле наградувани или селектирани во официјална конкуренција анимирани филмови кои истата година добивале Oскар или други престижни награди.
-Антиципацијата за уметничкиот квалитет, универзалност и креативен потенцијал секогаш биле препознаени на „Анимакс“ од стручното жири, додава Кузмановски.
Проекциите ќе почнуваат во 20 часот. Влезот е слободен. хс/ев/
Фото: Анимакс Скопје фест