Наставничка уапсена поради сексуално злоставување ученици во Индија
- Единицата за кибер-криминал во јужната сојузна држава Тамил Наду покрена истрага против 42-годишната жена откако на интернет се појави видео од оргијата. Полицијата утврдила дека снимката ја
![Наставничка уапсена поради сексуално злоставување ученици во Индија](https://mia.mk/index.php/images/20221112165455_big_730x400_22.webp )
Њу Делхи, 7 април 2022 (МИА) - Наставничка од Индија сексуално злоставувала тројца 16-годишни ученици од училиштето во коешто работела и заврши в затвор, објавија тамошните медиуми.
Единицата за кибер-криминал во јужната индиска сојузна држава Тамил Наду покрена истрага против 42-годишната жена откако на интернет се појави видео од оргијата. Полицијата утврдила дека снимката ја направил нејзиниот партнер. Човекот веќе признал дека го снимил видеото и го дистрибуирал меѓу свои познаници. Се истражува и дали видеото е објавено на платени порностраници.
Самите ученици поднеле пријава против наставничката и нејзиниот партнер. Тие тврдат дека двојката се обидела да ги заплаши за да не зборуваат за тоа што се случило.
Наставничката и нејзиниот љубовник се обвинети за злоставување малолетници, закани и дистрибуција на непристојни содржини.
Претходно светот го обиколи веста дека наставничка од Велика Британија е уапсена поради секс со 15-годишен ученик. Никол Парк (42) беше осудена на 27 месеци затвор. си/ссм/