Наполи ќе го ангажира напаѓачот на Бенфика, Нерес за 28 милиони евра
- Наполи се договорил за трансферот на напаѓачот на Бенфика, Давид Нерес, објави новинарот Николо Шира.
![Наполи ќе го ангажира напаѓачот на Бенфика, Нерес за 28 милиони евра](https://mia.mk/index.php/images/20240821090432_big_730x400_95.webp )
Неапол, 21 август 2024 (МИА) - Наполи се договорил за трансферот на напаѓачот на Бенфика, Давид Нерес, објави новинарот Николо Шира.
За 27-годишниот Бразилец италијанскиот клуб ќе плати 28 милиони евра. Се очекува Наполи денес да се официјализира трансферот.
Нерес за Бенфика игра од јули 2022 година. Во сезоната 2023/24, тој постигна пет гола и направи 10 асистенции на 35 натпревари.
Порталот „Трансфермаркт“ ја проценува вредноста на играчот на 25 милиони евра. зс/
Фото: ЕПА