Нагорно Карабах: Одредбите за прекин на огнот со Азербејџан се применуваат
- Властите на етничките Ерменци во Нагорно Карабах денеска соопштија дека се применуваат одредбите од прекинот на огнот со Азербејџан, воспоставен на 20 септември, вклучително и евакуација на ранетите и испорака на хуманитарна помош во регионалната престолнина Степанакерт.
![Нагорно Карабах: Одредбите за прекин на огнот со Азербејџан се применуваат](https://mia.mk/index.php/images/20230923203927_big_730x400_91.webp )
Степанакерт, 23 септември 2023 (МИА) - Властите на етничките Ерменци во Нагорно Карабах денеска соопштија дека се применуваат одредбите од прекин на огнот со Азербејџан, воспоставен на 20 септември, вклучително и евакуација на ранетите и испорака на хуманитарна помош во регионалната престолнина Степанакерт.
Се работи на обновување на снабдувањето со електрична енергија, а работите треба да завршат до 24 септември, се наведува во соопштението.
Во тек се и „политички консултации“ за иднината на отцепениот регион со мнозинско ерменско население, кој Азербејџан повторно го зазеде во вторникот во 24-часовна офанзива. рп/
Фото: ЕПА