Муратов: Чувствувам тага и срам поради руската инвазија на Украина
Рускиот новинар и добитник на Нобеловата награда за мир Дмитриј Муратов денеска изјави дека чувствува тага и срам поради руската инвазија на Украина, пренесува Би-Би-Си.
Москва, 24 февруари 2022 (МИА) - Рускиот новинар и добитник на Нобеловата награда за мир Дмитриј Муратов денеска изјави дека чувствува тага и срам поради руската инвазија на Украина, пренесува Би-Би-Си.
Муратов е уредник на рускиот весник „Нова Газета“, а минатата година ја доби Нобеловата награда за мир за борба за слобода на изразување во Русија.
- Освен тага, јас и моите колеги се срамиме. Што е следно - нуклеарен напад? Владимир Путин си игра со нуклеарно копче како со клучеви од кола. Украина не е наш непријател и украинскиот јазик не е непријателски јазик. И никогаш нема да биде, рече Муратов.
Следниот број на „Нова Газета“ ќе биде двојазичен, на руски и на украински. паг/
Mia.mk користи колачиња Ние користиме колачиња за да го подобриме вашето искуство со прелистување, да опслужуваме персонализирани реклами или содржини и да го анализираме нашиот сообраќај. Со кликнување на „Прифати“, се согласувате со нашата употреба на колачиња.
