МТСП: Во тек е исплатата на правата од социјална и детска заштита
- Министерството за труд и социјална политика информира дека денеска започна исплатата на правата од социјална, детска и цивилна заштита за месец јули 2022 година.
![МТСП: Во тек е исплатата на правата од социјална и детска заштита](https://mia.mk/index.php/images/20221113192442_big_730x400_62.webp )
Скопје, 4 август 2022 (МИА) - Министерството за труд и социјална политика информира дека денеска започна исплатата на правата од социјална, детска и цивилна заштита за месец јули 2022 година.
Корисниците на парични права коишто поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство од денеска - 4 август 2022 година.
Со цел да се избегне метеж пред и во банките при исплата на правата, од МТСП информираат дека за корисниците кои не користат картички, исплатата ќе се спроведе во две групи во сите отворени филијали и експозитури на банките, согласно со утврдениот распоред по азбучен ред, според првата буква од презимето и тоа денеска за оние чие презиме почнува на А, Б, В, Г, Д, Ѓ, Е, Ж, З, Ѕ, И, Ј, К, Л, Љ и утре за лицата чие презиме почнува на буквите М, Н, Њ, О;П, Р С, Т, Ќ, У, Ф, Х, Ц, Ч, Џ, Ш. сст/са/
![thumbnail_за](/articles/images/%d0%bc%d1%82%d1%81%d0%bf-%d0%b2%d0%be-%d1%82%d0%b5%d0%ba-%d0%b5-%d0%b8/wrYkthQpQ/placeholder.webp?use_watermark=0)
![thumbnail_А-Љ](/articles/images/%d0%bc%d1%82%d1%81%d0%bf-%d0%b2%d0%be-%d1%82%d0%b5%d0%ba-%d0%b5-%d0%b8/bIv182u7s/placeholder.webp?use_watermark=0)