МСП: Пресуда за тужбата на Украина против Русија на 16 март
- Меѓународниот суд на правдата во Хаг (МСП) денеска соопшти дека на 16 март ќе донесе пресуда за тужбата на Украина против Русија.
![МСП: Пресуда за тужбата на Украина против Русија на 16 март](https://mia.mk/index.php/images/20221112145655_big_730x400_72.webp )
Хаг, 14 март 2022 (МИА) - Меѓународниот суд на правдата во Хаг (МСП) денеска соопшти дека на 16 март ќе донесе пресуда за тужбата на Украина против Русија.
На сослушувањата пред судот на ОН во Хаг се појави само украинската делегација, додека руската страна одлучи да не присуствува на седниците.
Портпаролката на руското Министерство за надворешни работи, Марија Захарова претходно изјави дека претставници на Москва не присуствуваат на седниците на Меѓународниот суд на ОН, „бидејќи прашањето за специјална воена операција во Украина е надвор од нејзина надлежност“.
Во тужбата на Киев се наведува дека тврдењето на Русија дека ја нападнала Украина со цел да спречи геноцид е лажно, а од судиите се бара да и наредат на Русија да го прекине нападот врз Украина. паг/