Законските измени за покачување на пензиите поминаа на Влада, наскоро во собраниска процедура
- Предлог-законот за изменување и дополнување на Законот за пензиското и инвалидското осигурување, со што ќе се овозможи зголемување на пензиите на 1 септември 2024 година и 1 март 2025 година, ја помина влдината процедура и наскоро ќе биде пред пратениците во Собранието.
![Законските измени за покачување на пензиите поминаа на Влада, наскоро во собраниска процедура](https://mia.mk/index.php/images/20240827155421_big_730x400_77.webp )
Скопје, 27 август 2024 (МИА) -Предлог-законот за изменување и дополнување на Законот за пензиското и инвалидското осигурување, со што ќе се овозможи зголемување на пензиите на 1 септември 2024 година и 1 март 2025 година, ја помина владината процедура и наскоро ќе биде пред пратениците во Собранието.
-Поконкретно, на 1 септември 2024 година, сите видови на пензии остварени согласно овој закон заклучно со 31 август 2024 година, се зголемуваат за 2.500 денари и на 1 март 2025 година, сите видови на пензии остварени согласно со овој закон заклучно со 28 февруари 2025 година, се зголемуваат за 2.500 денари, соопшти Министерството за социјална политика, демографија и млади кое ги предложи законските измени.
Министерството посочува дека целта на предложените измени и дополнувања на Законот за пензиското и инвалидското осигурување е обезбедување пораст на животниот стандард и подобар и поквалитетен живот за пензионерите. хс/са/
Фото: МИА архива