Модниот дизајнер Питер Најгард виновен за сексуално злоставување на четири жени
- Инаку, шест точки од обвинението против Нигард (82), се однесуваа на четири жени и едно тогаш 16-годишно девојче, за дела извршени во периодот од 1988 до 2005 година.
![Модниот дизајнер Питер Најгард виновен за сексуално злоставување на четири жени](https://mia.mk/index.php/images/20231113101458_big_730x400_73.webp )
Лос Анџелес, 13 ноември 2023 (МИА) - Модниот магнат Питер Најгард, кој има финско и канадско државјанство, вчера во Торонто, Канада, е прогласен виновен за сексуално злоставување на четири жени.
Инаку, шест точки од обвинението против Најгард (82), се однесуваа на четири жени и едно тогаш 16-годишно девојче, за дела извршени во периодот од 1988 до 2005 година. По седумнеделното судење и петдневно разгледување, поротата утврди дека тој не е виновен само за сексуална злоупотреба кон една од тужителките и не е виновен за присилно задржување. Пресудата ќе биде формулирана подоцна.
Адвокатот на милионерот, Брајан Гринспен не ја исклучи можноста за жалба.
Покрај во Торонто, на поранешниот моден дизајнер ќе му се суди и во две други канадски провинции - Квебек и Манитоба, за слични обвиненија. Покрај тоа, предвидено е Најгард да биде екстрадиран во САД, каде што е обвинет за рекет и трговија со луѓе заради сексуална експлоатација, за дела извршени во периодот од 1990 до 2020 година. си/
Фото: ЕПА