Мишел: Договорот со Велика Британија е најдобар исход за сите
- Претседателот на Европскиот Совет (ЕС), Шарл Мишел изјави дека постигнувањето договор за воспоставување на блиски односи помеѓу Европската Унија и Велика Британија е „голем чекор напред“
![Мишел: Договорот со Велика Британија е најдобар исход за сите](https://mia.mk/index.php/images/20221105165004_big_730x400_17.webp )
Брисел, 24 декември 2020 (МИА) - Претседателот на Европскиот Совет (ЕС), Шарл Мишел изјави дека постигнувањето договор за воспоставување на блиски односи помеѓу Европската Унија и Велика Британија е „голем чекор напред“ .
- За нашите граѓани и компании сеопфатниот договор со нашиот сосед, пријател и сојузник е најдобар исход, посочи Мишел.
Тој истакна дека ЕУ во преговорите со Велика Британија покажала единство и одлучност.
- Ова беа многу предизвикувачки преговори, но процесот не е завршен. Сега е време ЕС и Европски парламент да го анализираат договорот постигнат на ниво на преговарачи, пред да дадат зелено светло, наведе Мишел.
Постигнатиот договор ЕК треба да го потврди на состанок на еврокомесарите, како и парламентите на ЕУ и на Велика Британија. ми/