Мицкоски: Владата повлече арбитража од компанијата „Синохидро“, спасени миниум 50 милиони евра
- Со аргументиран пристап и напорна работа изминатите 30 дена Владата успеа да издејствува да биде повлечена арбитражата од кинеската копманија „Синохидро“, која работи на изградбата на автопатот Кичево- Охрид, информира денеска премиерот Христијан Мицкоски.
![Мицкоски: Владата повлече арбитража од компанијата „Синохидро“, спасени миниум 50 милиони евра](https://mia.mk/index.php/images/20240725151652_big_730x400_8.webp )
Скопје, 25 јуни 2024 (МИА) - Со аргументиран пристап и напорна работа изминатите 30 дена Владата успеа да издејствува да биде повлечена арбитражата од кинеската копманија „Синохидро“, која работи на изградбата на автопатот Кичево- Охрид, информира денеска премиерот Христијан Мицкоски.
По одбележувањето на 102 години од основањето на Стопанската комора одговарајќи на новинарски прашања тој појасни дека подизведувач на Синохидро имал започнато арбитража кон компанијата, а таа кон државата.
- Постоеше опасност да бидат потрошени минимум 50 милиони евра народни пари односно пари од буџет. И тоа се средства коишто сега ќе ги имаме повеќе за бизнисот, за граѓаните, за капитални инвестиции, изјави Мицкоски.
Според него, на подизведувач не му биле решени имотно - правните односи, не можел да има фронт за работа, ја тужел фирмата изведувач, а фирмата изведувач државата.
- Значи, еден сложен процес и добро е што излеговме од тој процес без да бидеме подложни на пенали практично, нагласи Мицкоски. сс/ев/