Скопје, 12 март 2021 (МИА) - Министерството за култура денеска реагираше по јавните барања од издавачката куќа „Шкупи“ за поддршка на осум преводни дела од проектот „Наградена светска литература“ и учество на светски саеми на книги. Со цел точно и транспарентно информирање, Министертвото посочува дека од пријавите на Годишните конкурси за поддршка на проекти од национален интерес во културата од издавачката куќа „Шкупи“, во одбиените проекти на овој издавач се четири проекти за превод од шведски на албански јазик кои имаат предвидено како автор на преводот едно исто лице коешто не е државјанин на Република Северна Макеодонија, кое живее во Шведска и нема формални квалификации за кометентност за преведувач. - Еден проект за превод од англиски на албански јазик има предвидено како автор на превод лице коешто не е државјанин на РСМ, два проекти за кои Комисијата утврди дека преводот не е направен од јазикот на оригиналот и еден проект за кој немаше ниту биографија, ниту било какви референци или информации за авторот на преводот, се додава во соопштението. Министерството посочува дека на годишните конкурси на издавачката куќа „Шкупи“ и се одобрени два проекти за превод од турски и од хрватски на албански јазик, за кои авторите на преводот имаат формални квалификации и референци што сведочат за компетенциите на преведувачите за односните јазици. - Во однос на апликациите од издавачката куќа „Шкупи“ за учество на меѓународните саеми на книга во Софија, Тирана, Истанбул и во Франкфурт, Министерството за култура информира дека се отфрлени поради поради недостиг на  дел од задолжителната документација односно корисникот нема доставено преписка со организаторите со која се потврдува учеството на саемите и дека истите ќе се реализираат, изјави од учесниците/соработниците во проектот, како и потврда за обезбедени средства од други извори на финансирање, се додава во соопштението на Министерството за култура. оџ/сп/