Министерот Шаќири во Струмица и Валандово на средби за потребата од отворање нови струки во средното образование
- Министерот за образование и наука Јетон Шаќири денеска учествуваше на дијалогот со локалните самоуправи на Струмица и Валандово, бизнис секторот и средните стручни училишта за креирање на упи
![Министерот Шаќири во Струмица и Валандово на средби за потребата од отворање нови струки во средното образование](https://mia.mk/index.php/images/20221112145952_big_730x400_25.webp )
Струмица, 15 март 2022 (МИА) - Министерот за образование и наука Јетон Шаќири денеска учествуваше на дијалогот со локалните самоуправи на Струмица и Валандово, бизнис секторот и средните стручни училишта за креирање на уписната политика за учебната 2022-2023 година и унапредување на средното стручно образование.
Шаќири рече дека со денешните два настана привршува овој процес, а во изминатите 30 дена се одржани дијалози во 15 општини. Се надева дека од следната учебна година ќе се формираат побаруваните струки во стручните училишта и со тоа ќе се обезбедат кадри што се дефицитарни.
-Како резулат на дијалогот што го водевме минатата година, во овој регион се отворени четири дуални паралелки, од кои три во Струмјица и една во Радовиш, додека во Валандово, Богданци и Гевгелија оваа учебна година воспоставивме вкупно девет дуални паралелки, рече министерот Шаќири.
Додаде дека овој дијалог е од исклучителна важност не само за учениците, компаниите и локалните самоуправи, туку и за целокупниот раст и развој на државата, а секој запишан ученик во дуална паралелка добива 3.500 денари месечна стипендија, како и соодветна пракса во компанија.
-Истовремено, ова е одлична можност да ја зголемиме вработливоста на младите веднаш по завршувањето на школувањето, но и да ги поттикнеме своето образование да го продолжат на некој од техничките факултети, истакна Шаќири.
Градоначалникот на Струмица, Костадин Костадинов, информираше дека во две средни училишта во општината се воведени шест, а се формирани три дуални паралелки.
-Усогласеноста помеѓу понудата и побарувачката на стручни и квалитетни кадри е неопходна и во таа насока ќе продолжиме со нашиот влог како Општина, бидејќи ова создава можност за брзо вработување на младите по завршувањето на средното стручно образование, но секако очекувам и максимално ангажирање од сите релевантни чинители, пред се поголема поддршка од бизнис секторот, подвлече Костадинов.
На средбата во Струмица присуствуваа претставници на основни и средни училишта, од бизнис заедницата и претставник на Општина Радовиш. рт/хс/
![Шаќири Струмица](/articles/images/%d0%bc%d0%b8%d0%bd%d0%b8%d1%81%d1%82%d0%b5%d1%80%d0%be%d1%82-%d1%88%d0/ti7WGRHqO/placeholder.webp?use_watermark=0)