Милошоски за М-НАВ: Не очекувам нешто многу освен одлуката за смена на директорите
- - Испаѓа дека кривичниот суд е владин суд им суди на другите граѓани кои не се од владата, но кога станува збор за припадници од власта, овој случај заслужува притвор, четворица се во бегство, загрозен е авиосообраќајот, рече тој.
![Милошоски за М-НАВ: Не очекувам нешто многу освен одлуката за смена на директорите](https://mia.mk/index.php/images/20240109203057_big_730x400_25.webp )
Скопје, 9 јануари 2024
Скандалите произлегуваат од самата влада и нивните инсталации во институциите и затоа не може оваа влада да ги решава или да има одговорност, оти таа ги создава скандалите. Гледаме дека има принцип на неказнивност, заштита, релативизирање на сите овие скандали без разлика дали станува за Онкологија, Беса транс, М-НАВ, гледаме дека власта се обидува да купи време и секој еден скандал да се покрие со следниот кој ќе биде подраматичен за претходните да се заборават, изјави пратеникот и член на ИК на ВМРО-ДПМНЕ, Антонијо Милошоски во „За или против“ на Алфа телевизија.
Милошоски истакна дека оваа влада е продуктивна само по број на скандали и висока инфлација, додека за скандалот во М-НАВ не очекува да има некаква одговорност.
- Од оваа влада не очекувам нешто многу освен одлуката за смена на директорите, овој скандал создаде лоша репутација за Македонија како држава која нема контрола на главната алка на воздушниот сообраќај и дека институциите немаат капацитет да побараат одговорност особено кога се работи за функционери на ДУИ, рече Милошоски.
Милошоски нагласи дека имаше упад во во контролна кула од која зависат илјадници животи и авиони, но не верува дека оваа власт ќе оди до кривична и судска одговорност.
- Испаѓа дека кривичниот суд е владин суд им суди на другите граѓани кои не се од владата, но кога станува збор за припадници од власта, овој случај заслужува притвор, четворица се во бегство, загрозен е авиосообраќајот, рече тој.
Додаде дека и сознанијата говорат дека нападнатиот контролор, самиот не се чувствуваат сигурни тој и семејството.
- Ако во најбезбедната кула која има протоколи не сте безбеден и некој ве нападне, а потоа таа група не се во притвор, а четворица се во бегство, логично е да се заклучи дека не се чувствувате безбеден. Жално е за државава, овие контролори би требало да бидат најобезбедените лица во системот на воздушен сообраќај. Но и овој систем со оваа влада претрпе девалвација. Смена на власт, влада без ДУИ, ВМРО-ДПМНЕ Со голем број на пратеници во тој случај ќе значи еден од предусловите за ресетирање на институциите кои се девалвирани од ДУИ, изјави Милошоски.
Центар за комуникации на ВМРО-ДПМНЕ
Фото: ВМРО - ДПМНЕ
__________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.