Мик Џегер позитивен на Ковид-19, одложена турнејата за 60-годишнината на бендот
- Тој вчера објави дека е заразен со коронавирусот, со што се откажува нивниот настап во Амстердам, Холандија.
![Мик Џегер позитивен на Ковид-19, одложена турнејата за 60-годишнината на бендот](https://mia.mk/index.php/images/20221113155226_big_730x400_95.webp )
Амстердам, 14 јуни 2022 (МИА) - Пејачот на „Ролинг стоунс“, Мик Џегер вчера објави дека е заразен со коронавирусот, со што се откажува нивниот настап во Амстердам, Холандија.
„Многу ми е жал што мораме да го одложиме шоуто во Амстердам со толку кратко известување вечерва. За жал, штотуку испаднав позитивен на Ковид. Нашата цел е да го презакажеме датумот што побрзо и да се вратиме што поскоро“, напиша 78-годишниот пејач на Твитер.
Легендарниот британски бенд ја отвори својата европска турнеја со настап во Мадрид на 1 јуни, по повод одбележувањето 60 години од основањето на групата. си/