Меѓународниот ден на Ромите одбележан во Делчево
- Во организација на Општина Делчево и Здружението Ромски едукативен и културен центар Тернипе МК - Делчево, вечерва во Спомен-домот „АСНОМ“ се одбележа 8 Април - Меѓународниот ден на Ромите.
![Меѓународниот ден на Ромите одбележан во Делчево](https://mia.mk/index.php/images/20240406222744_big_730x400_56.webp )
Делчево, 6 април 2024 (МИА) - Во организација на Општина Делчево и Здружението Ромски едукативен и културен центар Тернипе МК - Делчево, вечерва во Спомен-домот „АСНОМ“ се одбележа 8 Април - Меѓународниот ден на Ромите.
Како што истакна Ермина Реџепова, координатор на проектот, одбележувањето е дел од програмските активности на „Биди во кругот“ (Be in the Circle) проект кој се реализира од страна на Тернипе МК од Делчево.
Oпштина Делчево и локалната самоуправа, како што истакна градоначалникот Горан Трајковски, ќе продолжат да создаваат општина на доверливи и одговорни граѓани кои ќе ја развиваат и практикуваат меѓуетничката инеграција, свесни дека сите треба да бидеме креатори на општество кои промовира соживот, мир и разбирање.
На свеченоста настапија членовите на КУД „Гоце Делчев“ и Тернипе МК од Делчево, како и гостите од Србија од истоименото здружение Тернипе од Пирот.
-Свеченоста беше во знакот на зачувување на традиционалнта култура, фолклорните обрасци со презентација на различните традиционални уметности, кои придонесуваат за афирмација на културниот деверзитет и на соработка меѓу заедниците во Република Северна Македонија, рече Реџепова.
Одбележувањето на Меѓународнот ден на Ромите заврши со дегустација на традиционална храна. вс/хс/
Фото: МИА