Меси ќе може да се врати на терените во септември
- Фудбалерот на Интер Мајами, Лионел Меси ќе се врати на терените во септември, објави новинарот Хернан Клаус.
![Меси ќе може да се врати на терените во септември](https://mia.mk/index.php/images/20240821080433_big_730x400_24.webp )
Мајами, 21 август 2024 (МИА) – Фудбалерот на Интер Мајами, Лионел Меси ќе се врати на терените во септември, објави новинарот Хернан Клаус.
Триесет и седумгодишниот Аргентинец, закрепнува од повредата на скочниот зглоб и наскоро ќе се врати на тренинзите со тимот.
Се очекува напаѓачот да може да се појави на теренот на натпреварот од американската лига – МЛС, против Филаделфија, кој е закажан за 14 септември. Истовремено, постои можност фудбалерот да има време да заздрави од повредата навреме за натпреварот против Чикаго кој ќе се одигра на 1 септември.
Меси игра за Интер Мајами од јули 2023 година. Во тековната сезона во МЛС, тој на 12 натпревари постигна 12 гола и креира девет асистенции. зс/
Фото: ЕПА