Меморијален турнир во табла во Пехчево
- Во Пехчево започна меморијалниот турнир во табла што се организира во чест на Бранко Пешански. Турнирот се игра во просториите на пехчевското здружение на пензионери, а учествуваат околу 40 учесници.
![Меморијален турнир во табла во Пехчево](https://mia.mk/index.php/images/20230916144613_big_730x400_14.webp )
Пехчево, 16 септември 2023 (МИА) - Во Пехчево започна меморијалниот турнир во табла што се организира во чест на Бранко Пешански. Турнирот се игра во просториите на пехчевското здружение на пензионери, а учествуваат околу 40 учесници.
- Ова е меморијален турнир кој се организира неколку години по ред во чест на нашиот сограѓанин Бранко Пешански. Освен од Пехчево имаме натпреварувачи од Берово, Скопје и други градови, а радува фактот што на турнирот учествуваат и неколку припаднички на понежниот пол, информираа организаторите.
По завршувањето на турнирот за најдобрите ќе бидат доделени пригодни награди.
- Фондот на награди на турнирот е околу 20 илјади денари од кои првопласираниот ќе освои 10,000 денари, за второ место се предвидени 6,000 денари и за третопласираниот натпреварувач 3,000 денари, додадоа организаторите.
Оттаму изразија благодарност до спонзорите и им посакаа многу успех на натпреварувачите. вс/цр
Фото: МИА