Медиуми: НАТО подготвува коридори за префрлање на американските сили во Европа
- НАТО подготвува неколку копнени коридори преку кои американските војници и опрема би можеле брзо да стигнат до фронтот во Европа во случај на конфликт со Русија, пишува британски Телеграф, повикувајќи се на извори.
![Медиуми: НАТО подготвува коридори за префрлање на американските сили во Европа](https://mia.mk/index.php/images/20240604144024_big_730x400_5.webp )
Лондон, 4 јуни 2024 (МИА) - НАТО подготвува неколку копнени коридори преку кои американските војници и опрема би можеле брзо да стигнат до фронтот во Европа во случај на конфликт со Русија, пишува британски Телеграф, повикувајќи се на извори.
Весникот наведува дека американски војници ќе пристигнат во Европа преку едно од пет европски пристаништа, од каде што ќе се движат по однапред испланирани логистички рути. Постојните планови предвидуваат американски војници да слетаат во холандските пристаништа пред да се качат на возовите што ќе ги однесат низ Германија до Полска.
Во тој случај американските војници би биле испратени во пристаништето во Ротердам пред да бидат транспортирани на исток, пишува Телеграф.
Според информациите, планирано е да се ангажираат и пристаништа во Италија, Грција и Турција.
Шефот на логистичката команда на НАТО, Александар Солфранк, за Телеграф изјави дека кога се анализира руската војна во Украина, може да се види дека Русија ги нападнала украинските логистички бази.
-Тоа мора да доведе до заклучок дека е јасно дека огромните логистички бази какви што ги знаеме од Авганистан и Ирак веќе не се можни бидејќи тие ќе бидат нападнати и уништени многу рано во конфликтот, рече Солфранк. мс/
фото: ЕПА