Медиуми: Ливерпул заинтересиран за Елмас
- Англискиот прволигаш Ливерпул е заинтересиран за услугите на македонскиот репрезентативец Елиф Елмас и ќе се обиде во јануарскиот преоден рок да договори трансфер со неговиот клуб Наполи, обј
![Медиуми: Ливерпул заинтересиран за Елмас](https://mia.mk/index.php/images/20221114015338_big_730x400_12.webp )
Анкара, 30 октомври 2022 (МИА) – Англискиот прволигаш Ливерпул е заинтересиран за услугите на македонскиот репрезентативец Елиф Елмас и ќе се обиде во јануарскиот преоден рок да договори трансфер со неговиот клуб Наполи, објавија турските медиуми.
Според весникот „Аксим“, Ливерпул сака да го донесе Елмас во своите редови веќе во јануари и многу скоро се очекува да испрати конкретна понуда до Наполи.
Елмас во 2019 година за сума од 16 милиони евра се пресели од Фенербахче во Наполи, кој сезонава повторно влезе со шампионски амбиции во Серија А и во моментов е прволопласиран на табелата.
Елмас од почетокот на сезонава одигра 15 натпревари за Наполи во сите натпреварувања и постигна еден гол. ег/ки/