МВР: Нема основи за дисциплинска постапка против полициски службеници за истрагата на двојното убиство на П.Ж. и В.Ѓ.
- Не постојат основи за покренување на дисциплинска постапка против полициски службеници од Скопје и Велес во врска со истрагата за двојното убиство на П.Ж. и В.Ѓ., информираат од МВР.
![МВР: Нема основи за дисциплинска постапка против полициски службеници за истрагата на двојното убиство на П.Ж. и В.Ѓ.](https://mia.mk/index.php/images/20240307152458_big_730x400_30.webp )
Скопје, 7 март 2024 (МИА) - Не постојат основи за покренување на дисциплинска постапка против полициски службеници од Скопје и Велес во врска со истрагата за двојното убиство на П.Ж. и В.Ѓ., информираат од МВР.
Одделот за внатрешна контрола, криминалистички истраги и професионални стандарди (ОВККИПС) при МВР, на барање на министерот за внатрешни работи Панче Тошковски, a во врска со истрагата за двојното убиство на П.Ж. и В.Ѓ., изврши проверки во СВР Скопје и СВР Велес.
- Ја информираме јавноста, со оглед на тоа дека извештајот е класифициран, утврдено е дека не постојат основи за покренување на дисциплинска постапка, а воедно, до Бирото за јавна безбедност при МВР се упатени задолжителни мерки да се донесат нови процедури и упатства за постапување, соопштуваат од МВР. ир/нд/
Фото: МИА архива