Матeус: На Тедеско би му го доверил почетокот на новата ера во Шалке
- Поранешниот капитен на германската фудбалска репрезентација Лотар Матеус ја поддржа идејата за враќање на Доменико Тедеско во Шалке.
![Матeус: На Тедеско би му го доверил почетокот на новата ера во Шалке](https://mia.mk/index.php/images/20221106120321_big_730x400_89.webp )
Берлин, 22 февруари 2021 (МИА) - Поранешниот капитен на германската фудбалска репрезентација Лотар Матеус ја поддржа идејата за враќање на Доменико Тедеско во Шалке.
- Тедеско продолжува да биде важна фигура за Шалке. Би му доверил да започне нова ера и повторно да го изгради тимот, изјави Матеус.
Тедеско веќе соработуваше со Шалке од 2017 до 2019 година. Во сезоната 2017/18, клубот од Гелзенкирхен, под негово водство, го зазеде второто место во Бундеслигата.
Во март 2019 година тренерот беше разрешен, а во октомври стана тренер на Спартак.
Оваа сезона Шалке со само девет бода од 22 натпревари е последен во поредокот во Бундеслигата. зс/