Лисабон, 12 октомври 2025 (МИА) – Селекторот на Португалија, Роберто Мартинез, даде свој коментар за победата од 1:0 над Ирска синоќа во квалификациите за Светското првенство во 2026 година.

- Тоа беше токму играта што ја очекувавме. Ирска е посилна отколку што покажа во септември и пристигна тука како рането животно. Претпоставувавме дека ќе одговорат. Но, главната работа беше да останеме смирени, да не им дозволиме да извршат контранапад и да ги спречиме заканите од прекини. На крајот, немаа ниту еден навистина опасен шут во текот на целиот натпревар.

Требаше да го постигнеме првиот гол порано. Нашата игра без топката беше на многу високо ниво. Ми се допадна начинот на кој играше тимот – не ја изгубивме смиреноста. Беше тешка, но апсолутно заслужена победа, изјави Мартинез на официјалната веб-страница на УЕФА.

Португалија има седум бода и е лидер во Групата Ф. Ирска е на дното од групата со два бода. зс/

Фото: ЕПА