Мадрид, 13 јуни 2022 (МИА) - Дефанзивецот на Реал Мадрид, Марсело не ги задржа емоциите за време на прошталната прес-конференција. Триесет и четиригодишниот Бразилец го напушта мадридскиот клуб ова лето. Марсело не можеше да ги задржи солзите додека зборуваше за соиграчите и вработените во Реал Мадрид кои му помогнале. Фудбалерот ги нарече семејство. Бразилецот одигра 545 настапи за Реал Мадрид, постигнувајќи 38 гола и 103 асистенции. Тој е во Реал Мадрид од 2007 година. Како дел од клубот, шест пати стана шампион на Шпанија, пет пати го освои шпанскиот Суперкуп и Лигата на шампионите, три пати го освои Суперкупот на УЕФА и двапати Купот на Шпанија, а четири пати го освои и Светското клупско првенство. Марсело е најтрофејниот играч во историјата на Реал Мадрид со 25 освоени трофеи. зс/