Рабат, 25 јули 2025 (МИА) – Мароканските власти објавија денеска дека ќе инвестираат 4,2 милијарди долари во проширување на аеродромите во земјата во следните пет години, како дел од подготовките за Светското првенство во фудбал во 2030 година, кое оваа африканска држава ќе го организира заедно со Шпанија и Португалија.

Согласно договорот што мароканската Влада го потпиша со авиокомпанијата ONDA, поголемиот дел од износот ќе биде инвестиран во проширување на капацитетите на аеродромите, а остатокот во одржување и обновување на базата на авиони. Планирано е до 2030 да се достигне бројка од 80 милиони патници годишно во споредба со сегашните 38 милиони патници.

Мароко во мај објави конкурс за изградба на нов терминал на најголемиот аеродром во земјата во Казабланка, кој ќе прими дополнителни 20 милиони патници.

Лани Мароко регистрираше рекорден број од 17,4 милиони туристи, што е за 20 проценти повеќе отколку во 2023 година, и се надева дека ќе достигне 26 милиони до 2030 година.ег

ФОТО: Фејсбук