Маричиќ за Би-Би-Си: Ние сме против руската агресија во Украина, НАТО е наша заштита во овие тешки моменти
- Ние бевме едни од првите што се приклучивме на одлуката на ЕУ бидејќи сме земја кандидат за членство во ЕУ и сојузник во НАТО, па не само поради тоа, туку и направивме морален избор да застан
![Маричиќ за Би-Би-Си: Ние сме против руската агресија во Украина, НАТО е наша заштита во овие тешки моменти](https://mia.mk/index.php/images/20221113121709_big_730x400_22.webp )
Скопје, 29 април 2022 (МИА) - Ние бевме едни од првите што се приклучивме на одлуката на ЕУ бидејќи сме земја кандидат за членство во Унијата и сојузник во НАТО, па не само поради тоа, туку и направивме морален избор да застанеме покрај Украина, изјави вицепремиерот за европски прашања Бојан Маричиќ за Би-Би-Си.
Маричиќ изрази жалење што Русија одлучи да ги класифицира сите земји како непријателски земји.
-Нашата Влада верува дека наскоро ќе се најде решение за тековната агресија, но ние како држава во многу наврати јасно кажавме дека сме против оваа агресија, и како најнов и најмлад НАТО сојузник, ќе се потпреме на капацитетите на нашите сојузници, како и на нашите капацитети, дека нашиот суверенитет и нашата стабилност и суверен избор да бидеме сојузник на НАТО. НАТО ќе не штити во овие тешки моменти, рече Маричиќ.
Вицепремиерот додаде дека сите земји во регионот, кои се сојузници на НАТО, треба да му оддадат признание на НАТО и на ЕУ, а исто така и на САД и затоа сме, како што рече, сосема сигурни во нашето стопроцентно усогласување со санкциите на ЕУ кон Русија. мд/дма/