Манчестер, 19 февруари 2025 (МИА) – Англискиот фудбалски гигант Манчестер Јунајтед платил околу 17,5 милиони евра обештетување на поранешниот менаџер Ерик тен Хаг, спортскиот директор Ден Ешворт и другите членови на стручниот штаб, објави денеска англискиот клуб.

Овие „исклучителни трошоци“ за четвртиот квартал од 2024 година се однесуваат на „трошоци поврзани со заминувањето на поранешниот менаџер на првиот тим Ерик Тен Хаг и различни членови на менаџерскиот тим“, се наведува во клупското соопштение.

Јунајтед издвоил 12,5 милиони евра за заминувањето на Тен Хаг и неговите помошници, како и уште пет милиони за заминувањето на нивниот спортски директор. Вкупните загуби за овој квартал изнесуваат 33,4 милиони евра.

За да го ублажат финансискиот недостаток, клупските челници презедоа мерки за намалување на трошоците кои навивачите ги критикуваа, како што се отпуштање на 200 вработени, зголемување на цените на билетите и откажување на „амбасадорскиот“ договор на легендарниот менаџер Алекс Фергусон, кој изнесуваше 2,4 милиони евра годишно. ег

ФОТО: Архива