Манчестер сити со трофеј ја отвори новата сезона
- Фудбалерите на Манчестер Сити го освоија Комјунити Шилд, англискиот Суперкуп, откако вечерва на Вембли го совладаа Манчестер Јунајтед на пенали со 8-7 (1-1).
![Манчестер сити со трофеј ја отвори новата сезона](https://mia.mk/index.php/images/20240810183553_big_730x400_4.webp )
Лондон, 10 август 2024 (МИА) – Фудбалерите на Манчестер Сити го освоија Комјунити Шилд, англискиот Суперкуп, откако вечерва на Вембли го совладаа Манчестер Јунајтед на пенали со 8-7 (1-1).
Непрецизни во пенал серијата во редовите на Манчестер Јунајтед беа Санчо и Еванс, додека кај Сити само Бернардо Силва не постигна гол од белата точка.
За Манчестер Сити ова е седмиот англиски Суперкуп во историјата, додека Манчестер Јунајтед сè уште е рекордер со 21 титула во Комјунити Шилд.
Манчестер Јунајтед поведе во 82. Минута преку Гарначо, а Манчестер Сити израмни во 89. Минута со голот на Бернардо Силва. ег ФОТО: Фејсбук