Њукасл, 22 ноември 2025 (МИА) - Манчестер сити вечерва загуби со 2:1 на гостински терен од Њукасл во 12.коло на Англиското фудбалско првенство.

Харви Барнс постигна два гола за домаќините. Англичанецот постигна гол во 63. и 70. минута. Рубен Дијас го постигна единствениот гол за Сити во 68. минута. 

За „Граѓаните“ ова е втор пораз на последните четири натпревари во Премиер лигата. На 26 октомври, загубија со 1:0 од Астон Вила, а помеѓу тој натпревар и денешниот, победија со 3:1 против Борнмут и со 3:0 против Ливерпул.

На 25 ноември, тимот на Пеп Гвардиола ќе се соочи со Баер Леверкузен во Лигата на шампионите.

Манчестер Сити (22 бода) е трет во Премиер лигата. Њукасл (15 бода) победи по два последователни порази и се искачи на 14. место на табелата. зс/

Фото: ЕПА