Македонците во Србија го чествуваа Денот на сесловенските просветители Св. Кирил и Методиј
- Како што јави дописникот на МИА од Белград, пред споменик на Св.Кирил и Методиј кој е подарок на академскиот вајар Томе Серафимовски на градот Белград, венци положија македонскиот амбасадор Никола Тупанчески заедно со српските власти и амбасадорите на Словачка, Украина, Бугарија и на ЕУ, како и преставници на Националниот совет на македонското национално малцинство и здруженијата од Белград.
![Македонците во Србија го чествуваа Денот на сесловенските просветители Св. Кирил и Методиј](https://mia.mk/index.php/images/20240524135835_big_730x400_82.webp )
Белград, 24 мај 2024 (МИА) - Традиционално како и изминатите години македонската заедница во Србија и годинава го одбелжа 24 мај-Денот на сесловенските просветители Св. Кирил и Методиј.
Како што јави дописникот на МИА од Белград, пред споменик на Св.Кирил и Методиј кој е подарок на академскиот вајар Томе Серафимовски на градот Белград, венци положија македонскиот амбасадор Никола Тупанчески заедно со српските власти и амбасадорите на Словачка, Украина, Бугарија и на ЕУ, како и преставници на Националниот совет на македонското национално малцинство и здруженијата од Белград.
Вечерва во Педагошкиот музеј во организација на здружението Македониум ќе се одржи свечена академија на која д-р Анита Ангелевска ќе говори на темата „Кирилометодиевистика-траење низ вековите“ и Ангел Василковски на темата „Просветителството на Св.Кирил и Методиј како par excellence рамноапостолство“, придружувани со ансамблот „Македониум“ и хорот на ОУ „Доситеј Обрадовиќ“ од Белград.
Од 2019 година, 24 мај во Србија се слави како национален празник - Денот на словенската писменост и култура. об/аа/
Фото: МИА