Македонските ракометарки поразени од Франција на стартот на Еуро 2022
- Македонската ракометна репрезентација вечерва загуби од Франција со 14:24 во својот прв настап на Европското првенство 2022.
![Македонските ракометарки поразени од Франција на стартот на Еуро 2022](https://mia.mk/index.php/images/20221114022654_big_730x400_4.webp )
Скопје, 5 ноември 2022 (МИА) – Македонската ракометна репрезентација вечерва загуби од Франција со 14:24 во својот прв настап на Европското првенство 2022.
Избраничките на селекторот Љубомир Савевски, натпреварот во СЦ „Борис Трајковски“ го почнаа лошо и по 15 минути имаа негатива од 0:5. На првиот наш гол се чекаше 16. минута кога погоди Јована Кипријановска. Во 21. минута македонската репрезентација се доближи на 3:6, но повторно следуваа пет врзани гола на Французинките за највисоки +8 во првото полувреме (3:11). На паузата се отиде со резултат 5:12.
Франција која пред средбата важеше за апсолутен фаворит слично го почна и второто полувреме. Со серија од 3:0 за првпат стигна до двоцифрена предност (5:15). Оваа разлика им овозможи на гостинките со рутинирана игра да дојдат до сигурна победа.
Најефикасна во македонскиот состав воедно и натпреварот беше Моника Јанеска со пет голови.
„Црвено-жолтите“ бодрени од околу 3.000 гледачи вечерва не успеаја да направат изненадување, па шансата за први бодови ќе ја бараат в понеделник против Холандија.
Холанѓанките во терминот од 20:30 часот, исто така во „Борис Трајковски“ ќе играат со Романија по што ќе се комплетира првото коло во Ц-групата на Еуро 2022. зс/
![](/articles/images/%d0%bc%d0%b0%d0%ba%d0%b5%d0%b4%d0%be%d0%bd%d1%81%d0%ba%d0%b8%d1%82%d0%/UlZNQPPMV/placeholder.webp?use_watermark=0)
![](/articles/images/%d0%bc%d0%b0%d0%ba%d0%b5%d0%b4%d0%be%d0%bd%d1%81%d0%ba%d0%b8%d1%82%d0%/JGnxLQ8RM/placeholder.webp?use_watermark=0)
![](/articles/images/натпревар-северна-македонија-франција-на-еп-во-ракомет-жени-q6rY/lWYWVoof5/placeholder.webp?use_watermark=0)
![](/articles/images/%d0%bc%d0%b0%d0%ba%d0%b5%d0%b4%d0%be%d0%bd%d1%81%d0%ba%d0%b8%d1%82%d0%/tzGwR5Gwf/placeholder.webp?use_watermark=0)