Македонските кошаркарски поуспешни од Норвешка за прва победа на ЕП
- Македонската машка јуниорска кошаркарска репрезентација ја забележа премиерната победа на Европското првенство до 18 години во Б дивизијата, откако вечерва во португалскиот град Матосињос ја совлада Норвешка со 100-80 (46-43) во рамки на третото коло во Групата А.
![Македонските кошаркарски поуспешни од Норвешка за прва победа на ЕП](https://mia.mk/index.php/images/20230725212848_big_730x400_55.webp )
Матосињос, 25 јули 2023 (МИА) – Македонската машка јуниорска кошаркарска репрезентација ја забележа премиерната победа на Европското првенство до 18 години во Б дивизијата, откако вечерва во португалскиот град Матосињос ја совлада Норвешка со 100-80 (46-43) во рамки на третото коло во Групата А.
До премиерната победа, по стартните порази од Велика Британија и Австрија, „црвено – жолтите“ ги предводеше Никола Јаничиќ со 24 поени.
Македонската репрезентација е третопласирана во групата зад Австрија и Велика Британија, а пред Исланд против кој утре го игра завршниот натпревар во првата фаза на ЕП во Португалија.
Двете првопласирани репрезентации од групата продолжуваат во четвртфиналето, а трето и четвртопласираната селекција ќе разигруваат за пласман од 9 до 16 место. ег/вг/
Фото: КФСМ