Македонските кошаркарки поразени од Данска на ЕП Б дивизија до 18 години
- Македонската јуниорска женска кошаркарска репрезентација со висок пораз од Данска (92-39) го стартуваше разигрувањето
![Македонските кошаркарки поразени од Данска на ЕП Б дивизија до 18 години](https://mia.mk/index.php/images/20240810091011_big_730x400_73.webp )
Плоешти, 10 август 2024 (МИА) – Македонската јуниорска женска кошаркарска репрезентација со висок пораз од Данска (92-39) го стартуваше разигрувањето за пласман од 9. до 18. позиција на Европското првенство Б дивизија кое се одржува во романскиот град Плоешти.
Македонските кошаркари уште на самиот почеток влегоа во голема резултатска негатива.
Данската репрезентација за десет минути направи предност од (26:9), која до полувремето веќе стигна до недостижни (49:22).
Дора Алексова реализираше осум поени, Ана Ангеловска и Зара Стојковска имаа по шест реализации во македонските редови. ег ФОТО: КФСМ